CENONE DI NATALE E CAPODANNO

Amici tanti auguri

di Natali e Capodannu,

però mi raccumannu

di non mangiari assai

sennò facemu dannu.

Scacciata,puppittuni

angiddi,cotechinu

u baccalaru frittu

i brocculi affucati

nuciddi,ficusicchi

panittuni e spumanti

tutti sti cosi assemi

ni jettunu pisanti.

mittennicci 'nto menzu

u vinu jancu o russu

finisci ca 'ngulfamu

tuttu u Pronto Soccorso!

AUGURI A TUTTI

(autore nonno pippo)

                                                 TRADUZIONE
Amici tanti Auguri di Natale e Capodanno
però mi raccomando di non mangiare troppo
perchè facciamo danno!
Scacciata ,polpettone,anguille,cotechino
il baccalà fritto i broccoli affogati
nocciole,fichisecchi,panettone e spumante
tutte ste cose assieme diventano pesanti.
Se ci mettiamo pure il vino bianco o rosso
di sicuro riempiamo tutto il Pronto Soccorso!

 AUGURI A TUTTI

I CURTIGGHIARI (risposta ad Alessia)

a zà nina-a zà cicca-a zà Rosa!(idda è!!!)
---------------------------------------------------------------

Niputi cara chi ti pozzu diri

mancu ju sacciu cosa si po fari.

Sti personi su genti di curtigghiu

e u viviri civili pi chisti è sbagghiu.

Sunu gnuranti,tinti e priputenti

e non su degni di stari assemi a genti.

E non c'è modo di putilli educari

sulu lu Padreterno cià po fari!

Immagine di San Gianluca da Pisano

Amico???dei cavalli :)

LA PREGHIERA DEI CAVALLI

San Gianluca da Pisano

prega per noi,

e non farci a polpette

per gli amici tuoi!

amen

A FINI DI 'NCAVADDU

Mentri prima nitriva chiaru e forti

ora i custati l'havi tutti rutti,

e 'mpezzu unni finivu,nentimenu,

na zona di campagna di Pisano

arrusti e mangia cò salamarigghiu.

E non fici chiù nitritu e mancu ragghiu!

(San Gianluca da Pisano ni sapi qualcosa)

autore,u zù pippu

Compleanno di me frati Carmelo

Oggi fai u compleanno

perciò l'ha festeggiare:

o tu passi 'ncampagna

o tinnivai a mari.

Si tinnivai 'ncampagna

cerchiti 'mped'ificu

ti metti a panza all'aria

e ti ratti u viddicu.

S'inveci vai a mari

ti pigghi l'umbrilluni,

na granita cca brioscia,

accussi mentri ca mangi

"allucchi"qualche coscia.

AUGURI

U JORNU DI FERRAGOSTO

Dopu 'nannu a travagghiari
tutti s'ann'arrilassari,

e stu jornu sa passari
o 'ncampagna oppuri a mari.
Perciò e cincu di matina
già c'è a mamma ca cucina:
Pasta o furnu,cutuletti,
farsumauru , purpetti
e na bella capunata
pi mangiari dà jurnata.
U papà 'ntantu ca fari?
accumincia a carricari
e ntà machina ci metti:
seggi a sdraiu,bicicletti,
tamburelli,umbrilluni,
deci chili di muluni,
i sicchielli pi ghiucari
salvagenti pi natari,
coca cola,birra,vinu
finu a quannu è tuttu chinu.
Finalmenti ora si parti!
Ma si scordunu i piatti!!
Quannu su arrivati a mari
non c'è unni posteggiari
e furria e gira attornu
già si fici menziornu.
Arrinesci a posteggiari
e cumincia a scarricari.
FINALMENTI,tutti a mari!!
A finuta di mangiari
tutti a curriri ,a ghiucari
poi u bagnu a carricata
e finisci la jurnata.
Sunu stanchi,scunucchiati
ma su tutti ARRILASSATI!!!


(autore nonno pippo)













TRADUZIONE : Il giorno di ferragosto.
Dopo un anno a lavorare,tutti si devono rilassare
e questo giorno si deve passare in campagna oppure al mare.
Perciò alla cinque di mattina già c'è la mamma che cucina:
Pasta al forno,cotolette,falsomagro e polpette
e una bella caponata,il mangiare per la giornata.
Il papà che deve fare?Incomincia a caricare
e in macchina ci mette,sedie a sdraio,biciclette,
tamburelli,ombrelloni,dieci chili di melone,
i secchielli per giocare,salvagenti per nuotare,
coca cola,birra,vino, fino a quando è tutto pieno.
Fnalmente ora si parte,ma si scordano i piatti!
Quando sono arrivati al mare non c'è dove posteggiare
perciò gira e gira attorno,già s'è fatto mezzogiorno.
Poi riesce a posteggiare e comincia a scarricare.
Finalmente tutti a mare!
Poi finito di mangiare,tutti a correre e a giocare.
Dopo:il bagno, la caricata e finisce la giornata!
Sono stanchi,strapazzati,ma son tutti RILASSATI!

Sconfitta dell'italia ai mondiali di calcio

Chi vergogna!
A nostra "nazionale" i slovacchi sa "fumaru"
e ca cuda ammenzu e jammi a casa a rimannaru!
I nostri jucaturi,salvo qualche eccezzioni,
inveci di jucari,pinsavunu i vacanzi
unni sann'apassari.
Ju 'nidea l'avissi e cia vogghiu cunzigghiari
ASSEMI ALL'ENATURI ITIVINNI A ZAPPARI!

Risposta a mè niputi Gianluca

Cù st'afa c' arrivavu all'improvissu

u ciriveddu l'haiu menzu fusu.

Macari ca mi vogghiu cuncintrari

non c'è putenza,non c'hapozzu fari!

Mi vugghiunu i pinzeri 'nta la menti

ma di precisu non mi nesci nenti!

Ora c'è u friddu,ca Dicembri pari

e u ritmu biologicu fa sballari!

Perciò aspittamu,Niputeddu caru,

c'astaggioni sabbessa piddaveru

accussi mi vò fazzu i bagni a mari

e u ciriveddu ricumincia a funziunari!!!

Autore:nonno pippo

A SCAMPAGNATA !

Arriva pasquetta,perciò chi sà fari,

stu jornu 'ncampagna tutti jemu a passari.

Però chi succedi,na cosa curiusa,

inveci d'aria frisca u sai chi rispiri?

Sulamenti u fumu da sasizza arrustuta! 

(Nonno pippo)

SI PESSI U DIALETTU !

Non sugnu pueta e mancu scritturi

ma mi piaci scriviri chi sentu 'nto cori,

e scrivu in dialettu,macari ca è stranu

picchi ormai si parra sulu l'italianu.

Accussi pocu a pocu u dialettu scumpari

e autri lingui sintemu parrari.

Ora puru l'inglisi bisogna imparari!

You chat,the link,last-minute,j love you

non si dici chiù grazie,si dici thank you

e la nostra lingua non si parra chiù

Allura ju dicu:Ma unni! ma quannu!

Evviva u dialettu ca parrava me nannu!!!

ARRIVA A PRIMAVERA

L'inverno co so friddu,l'acqua u ventu

a tutti malinconici fa stari.

Ma quantu prima ,quasi per incantu,

arriva finalmenti a primavera

co suli duci e l'aria leggera.

U so caluri i ciuri fa sbucciari,

e i mennuli cuminciunu a ciuriri.

Ne prati viddi si vidunu spuntari

ciuri di tutti i formi e tutti i culuri.

La ginestra ca sboccia fra li mura

partecipa a sta festa da natura.

L'aceddi gia si sentunu cantari,

i rondini 'nto celu chinu di suli

allegri ricuminciunu a vulari.

Vardannu da natura stu purtentu

ognunu già si senti chiù cuntentu

si godi stu spittaculu, incantatu,

e ringrazia lu RE di lu creatu!

-autore: nonno pippo


             TRADUZIONE
L'inverno col suo freddo,l'acqua,il vento
a tutti malinconici fa stare
ma quanto prima ,quasi per incanto,
arriva finalmente primavera
col sole dolce e l'aria leggera.
Il suo calore i fiori fa sbocciare
i mandorli cominciano a fiorire
nei prati verdi si vedono spuntare
fiori di tante forme e vari colori.

La ginestra che spunta sopra i muri
partecipa a questa festa della natura.
Gli uccelli già si sentono cantare,
le rondini nel cielo pieno di sole
allegre ricominciano a volare.
Guardando,della natura,questo portento
ognuno già si sente più contento
si gode questo spettacolo,incantato,
e ringrazia COLUI che l'ha creato!