ARRIVA L'INVERNO!

           21 DICEMBRE (Solstizio d'inverno)
Arrivavu u mmernu  cu friddu,acqua e ventu
ma veni Natali e sugnu cuntentu,
picchì u Natali u passu 'nfamigghia
che figghi i niputi co jenniru a nora
e non c'è bisognu di mangiari "fora"
e stannu riuniti si sta 'ncumpagnia
e si passunu i festi  in paci e alligria!
Ju auguru a tutti amici e parenti
di essiri sempri Felici e Cuntenti!
      AUGURI A TUTTI
                 da
Nonno Pippo

ARRIVA "CARONTE"

Stu "CARONTE"c'arriva furiusu
co cauru putenti e appiccicusu
a mia mi fa sentiri nivvusu!
Non mi cuncentru non sacciu chi fari
all'ura penzu:Minnivaiu a mari !
Arrivu a spiaggia e piano,lentamenti
trasu 'nto mari azzurru e trasparenti.
L'acqua ca maccarizza ,di lu mari,
ca so friscura mi fa rilassari
e comu na frasca mi fazzu dondolari.
Mi sentu calmu,leggeru,spinziratu
e vardu u celu quasi estasiatu.
Fra celu azzurru e mari lucenti
'nta stu mumentu ju mi sentu "nenti".
Nesciu di l'acqua,mi vaiu a sdraiari
e di lu suli mi fazzu asciucari
vardannu l'orizzonti, unni pari
ca lu celu  si tocca cu lu mari.
Vardannu sta biddizza do Creatu
mi sentu veramenti rianimatu.
Ripigghiu calma, forza e fantasia
e sentu u cori chinu d'allegria!

Autore Nonno Pippo