U SILENZIU DA NOTTI SUPRA SCOGHIU

Na sira di stati vuleva passari
vardannu la luna,ascutannu lu mari
e 'nta lu silenziu sintiri li unni
ca sbattunu lenti 'nte scoghi lucenti.
Sintiri u profumu ca manna lu mari
'nta lu gran silenziu ca ti fa 'ncantari.
Massettu 'nta scoghiu e cuminciu a sugnari!
Ma i cunti sbaghiati mi fici!Chi c'era?
nu pocu distanti na grandi balera!
Cumincia la musica,forti ,putenti
na massa di genti,di machini,motu
ca va avanti,arreri.Chi c'è!ntirrimotu!
Ma quali silenziu,rumuri di mari
chi luna,chi stiddi,ca vulia taliari
di cursa do scoghiu mi n'appi scappari!
Mi misi 'nta piazza cu lavutri genti.
E di lu silenziu?Non sappi chiù nenti!!!
(autore Nonno Pippo)